Midgard Base CampAÐSTAÐAOG ALLT HITT!

Midgard Base Camp hefur allt sem þarf til þess að
dvöl þín verði  ánægjuleg, áhyggjulaus og skemmtileg!

Matur og drykkur!

Veitingastaður & bar

Gómsæt morgunverðarkarfa, einfaldur en skotheldur kvöldverðarmatseðill, gæðakaffi, ískaldur bjór á krana og á flösku, sterkt vín og kokteilar. „Happy hour“ alla daga milli kl. 18-20. Kíktu í heimsókn! Við tökum vel á móti þér.

>> Midgard Restaurant
>> Matseðill (í vinnslu)

Til að njóta!

Heitur pottur og sauna

Slappaðu af og njóttu lífsins í heita pottinum og sauna. Á meðan þú hvílir þreytta vöðva getur þú notið útsýnis yfir Eyjafjallajökul og á góðum degi sérðu alla leið til Vestmannaeyja.  Aðgangur er ókeypis fyrir þá sem gista á Midgard Base Camp en gestir veitingastaðarins eiga kost á að kaupa aðgang fyrir 1.000 kr.

Búðu til þínar eigin máltíðir!

Gestaeldhús

Gestirnir okkar báðu um gesta-eldhús og við redduðum því auðvitað! Í eldhúsinu er allur búnaður til að útbúa einfaldar máltíðir. Við viljum þó benda á að eldhúsið er ekki stórt og því ekki pláss fyrir fleiri en 7 manns í einu.

Það er svo gott að slappa af!

Notalegt sameiginlegt rými

Sameiginlega rýmið okkar er stórt og er útbúið þægilegum sófum og rólum. Eftir að hafa eytt deginum úti í náttúrunni er notalegt að koma sér þægilega fyrir, slappa af og spjalla við aðra ferðalanga. Við erum með spil og ýmislegt annað skemmtilegt!

Allir út að hjóla og ganga!

Midgard Hike & Bike Camp

Midgard býður upp á breitt úrval af þjónustu fyrir göngu- og hjólafólk. Á svæðinu okkar er ógrynni af spennandi hjóla- og gönguleiðum fyrir byrjendur jafnt sem reynslubolta.
>> Lestu meira um Midgard Hike & Bike Camp á blogginu okkar (í vinnslu)

Komdu við á Midgard og græjaðu hjólið!

Reiðhjólafólk

Midgard býður þar að auki uppá mjög góða aðstöðu fyrir reiðhjól. Geymslu, þrifaaðstöðu og verkstæði með helstu verkfærum. Við bjóðum líka uppá litla verslun með helstu slithlutum fyrir hjól, slöngur, keðjur og fleira smávægilegt.

Geggjað útsýni!

Verönd

Aftan við húsið erum við með skemmtilegt útisvæði þar sem notalegt er að sitja úti á sumrin og njóta útsýnisins yfir Eyjafjallajökul.

Sítenging!

Háhraða WI-FI

Við bjóðum upp á háhraða WI-FI í öllum rýmum (herbergjum líka).

"It's raining men, hallelujah"

Þurrkaðu fötin og búnaðinn!

Við erum með mjög góða aðstöðu til að þurrka föt, skó og annan búnað (til dæmis tjöld). Leyfðu dótinu þínu að þorna á meðan þú slappar af á Midgard Base Camp.

"So fresh and so clean!"

Þvottaaðstaða

Þarftu að þvo fötin þín? Ekkert mál! Við erum bæði með þvottavél og þurrkara. Skelltu fötunum í vélina á meðan þú kíkir í pottinn! Fyrir 950 kr. getur þú sett í þvottavél og þurrkara (þvottaefni innifalið).

Er vont veður?

Kíktu til okkar á meðan veðrið gengur yfir

Stundum er vont veður og það getur verið fúlt. Þá er gott að geta kíkt á Midgard Base Camp og gist eina nótt. Þurrkaðu tjaldið þitt og þvoðu fötin þín á meðan þú slappar af í pottinum og borðar góðan mat. Alveg óþarfi að fara heim. Daginn eftir ferð þú svo aftur af stað.

Svo stutt til okkar!

Aðeins 1,5 klst. frá Reykjavík

Þú getur komið til okkar oft yfir sumarið. Skellt þér í göngu eða tekið hjólið með. Við erum með ógrynni af skemmtilegum hjóla- og gönguleiðum í nágrenninu (fylgist með blogginu). Eftir útivistina kíkir þú til okkar í pottinn og færð þér að borða. Keyrir svo heim og mætir í vinnuna daginn eftir…eða gistir og sefur út.

Hvert skal halda?

Við gefum þér ferðaráð

Vantar þig hugmyndir um hvað er hægt að gera og sjá? Spurðu okkur og við gefum þér ráðleggingar og hugmyndir. Það er svo óendanlega mikið hægt að gera í kringum Midgard Base Camp og stundum þarf maður bara einhvern til að gefa manni hugmyndir. Þar komum við sterk inn!

>> Skoðaðu ferðir & afþreyingu með Midgard Adventure (í vinnslu)
>> sendu okkur póst á adventure@midgard.is

Ævintýraupplifun!

Ferð með Midgard Adventure

Ertu með hóp en ykkur vantar kannski hugmynd að ferð? Vantar ykkur skutl eða trúss fyrir lengri ferð? Við getum reddað því. Hafðu samband og við sendum á þig upplýsingar.

>> sendu póst á adventure@midgard.is | sími: 578 3370

Viltu halda viðburð á Midgard Base Camp?

Afmæli, partý eða ættarmót

Við erum með frábæra aðstöðu fyrir viðburði, hvort sem er afmæli, ættarmót, ball, námskeið, vinnufundi eða bara gott partý fyrir vinahópinn eða fjölskylduna. Við bendum á að hægt er að leigja allan staðinn (gistinguna og veitingastaðinn, eða bara annað hvort).

>> Sendu póst á sleep@midgard.is | Hringdu í 578 3180

Hvað er framundan?

Viðburðir á Midgard Base Camp

Við stefnum á að vera með þrusu góða dagskrá af viðburðum í sumar og haust. Fylgstu með því og tryggðu þér miða því viðburðirnir hjá okkur eru vel sóttir og miðarnir fara fljótt. Við setjum alla viðburði á Facebook. Hjálmar, Mugison, Valdimar, Gréta Salóme og Helgi Björns eru meðal þeirra sem hafa komið fram hjá okkur. Við sýnum einnig frá öllum helstu íþróttaviðburðum á stórum skjá.

>> Viðburðir Midgard Base Camp (í vinnslu)
>> Kíktu á Facebook til að sjá hvaða viðburðir eru framundan

Strætó

Auðveldar samgöngur

Vissir þú að strætó er með nokkrar ferðir á dag til Hvolsvallar? Kíktu á bus.is og finndu þína leið til Midgard Base Camp

Auðvelt að leggja!

Næg bílastæði

Bílastæðið okkar er risastórt og auðvitað er gjaldfrjálst að leggja þar. Sérstaklega þægilegt fyrir ferðalanga sem eru með kerru, tjaldvagna eða hjólhýsi.

Vantar þig hugarró?

Jógatímar á Midgard Base Camp

Við stefnum á að byrja aftur með jógatíma um leið og það verður leyfilegt. Fylgstu með á Facebook til að sjá hvaða tímar eru í boði.

>> Kíktu á Facebook til að sjá hvaða viðburðir eru framundan

Frábær staðsetning!

Tilvalinn staður til að skoða Suðurlandið

Midgard Base Camp er á Hvolsvelli og þaðan er stutt á svo margar þekktar og óþekktar perlur Suðurlands.

>> Nánar um staðsetningu Midgard Base Camp (á ensku)

Hafðu samband!

+354 578 3180

sleep@midgard.is

Dufþaksbraut 14 - 860 Hvolsvöllur